ព័ត៌មានក្ដីៗពី វិទ្យុ សំឡេងកម្ពុជាក្រោម (VOICE OF KAMPUCHEA-KROM)

Monday, April 27, 2015

វិទ្យុសំឡេងកម្ពុជាក្រោម - កម្មវិធីផ្សាយ ថ្ងៃទី ២៧ ខែមេសា ឆ្នាំ ២០១៥

កម្មវិធី​រៃអង្គាសប្រាក់ ជួយឧបត្ថម្ភ​ដល់​ក្រុមយុវជន​ខ្មែរក្រោម​

សាខា​សហព័ន្ធ​ខ្មែរ​កម្ពុជា​ក្រោម នៅ​ទីក្រុង Philadelphia រដ្ឋ Pennsylvania កាលពី​ថ្ងៃទី ២៥ មេសា ២០១៥ បានរៀបចំ​កម្មវិធី​ជួបជុំ​សមាជិក សមាជិកា នៃ​សហព័ន្ធ​ខ្មែរ​កម្ពុជា​ក្រោម ប្រមាណ​ជាង ១០០ នាក់ ដែល​និមន្ត និង​អញ្ជើញ​មកពី​បណ្តា​រដ្ឋ​នានា ក្នុង​ទឹកដី​សហរដ្ឋអាមេរិក និង​ប្រទេស​មួយចំនួន​ក្នុង​ពិភពលោក ។​
​ការរៀបចំ​កម្មវិធី​ជួបជុំ​បងប្អូន​ ខ្មែរក្រោម ក្នុង​គោលបំណង​រំ​ឮ​ក​ពី​សកម្មភាព​របស់​សហ​ព័ន្ធ​ខ្មែរ​កម្ពុជា​ក្រោម ដែល​ធ្វើ​ការតស៊ូ​មតិ នៅលើ​ឆាក​អន្តរជាតិ​កន្លងមក ។​
​សមាជិក​តំណាង​ឲ្យ​រដ្ឋ​និ​មួយៗ បាន​ឡើង​ថ្លែង​មតិ​ម្នាក់​ម្តងៗ ទៅកាន់​មនុស្ស​ចូលរួម នៅក្នុង​កម្មវិធី​ជួបជុំ​នោះ ទាក់ទង​ទៅ នឹង​សកម្មភាព​ការងារ​របស់​សហព័ន្ធ​ខ្មែរ​កម្ពុជា​ក្រោម និង​ការ​ផ្តោតទៅលើ​បញ្ហា​កង្វះ​ផ្នែក​អប់រំ​ខាង​សិទ្ធិមនុស្ស​របស់​ព្រះសង្ឃ និង​ពលរដ្ឋ​ខ្មែរក្រោម ដែលជា​ម្ចាស់​ស្រុក នៅឯ​ដែនដី​កម្ពុជា​ក្រោម ។​
​បន្ទាប់ពី​ជួប​សំណេះសំណាល​គ្នា​រួចមក អ្នកចូលរួម​ទាំងអស់ បាននាំគ្នា​បរិច្ចាក​ប្រាក់​ផ្ទាល់ខ្លួន ដើម្បី​ជួយឧបត្ថម្ភ​ដល់​ក្រុមយុវជន ដែល​ចូល​រូ​ម​វេទិកា​អចិន្ត្រៃយ៍ ស្តីពី​បញ្ហា​ជនជាតិដើម លើក​ទី ១៤ នៅ​ទីស្នាក់ការ​កណ្តាល​នៃ​អង្គការសហប្រជាជាតិ នា​បូរី​ញូវយ៉ក់ សហរដ្ឋអាមេរិក ចាប់ពី​ថ្ងៃទី ២០ ខែមេសា ដល់​ថ្ងៃទី ១ ខែឧសភា ឆ្នាំ ២០១៥ ។​

Don't see Kampuchea Krom in World Map

សម្ភាសសមាគមព្រះសង្ឃខ្មែរកម្ពុជាក្រោម


Chau Serey talks about activities of KKF in the UNPFII 2015

Wednesday, April 22, 2015

វិទ្យុសំឡេងកម្ពុជាក្រោម - កម្មវិធីផ្សាយ ថ្ងៃទី ២២ ខែមេសា ឆ្នាំ ២០១៥

សេចក្ដីថ្លែងអំណរគុណ (Update ថ្ងៃទី ២១ ខែមេសា ឆ្នាំ ២០១៥)

គណៈកម្មាធិការ​នៃ​យុវជន​សហព័ន្ធ​ខ្មែរ​កម្ពុជា​ក្រោម សូម​ថ្លែងអំណរគុណ​ចំពោះ​សប្បុរសជន និង សាខា​សហព័ន្ធ ខ្មែរ​កម្ពុជា​ក្រោម ដែល​បាន​ឧបត្ថម្ភ​ប្រាក់​សម្រាប់​ក្រុមយុវជន​សហព័ន្ធ​ខ្មែរ​កម្ពុជា​ក្រោម នឹង​ចូល​ថ្លែងការណ៍ នៅ ក្នុង​វេទិកា​អចិន្ត្រៃយ៍​នៃ​អង្គការសហប្រជាជាតិ ក្នុង​ខែមេសា នេះ ។​
ក្រុមយុវជនសហព័ន្ធខ្មែរកម្ពុជាក្រោម នៅក្នុងអង្គការសហប្រជាជាតិ កាលពីខែឧសភា ឆ្នាំ ២០១៣ ។
ក្រុមយុវជនសហព័ន្ធខ្មែរកម្ពុជាក្រោម នៅក្នុងអង្គការសហប្រជាជាតិ កាលពីខែឧសភា ឆ្នាំ ២០១៣ ។
សប្បុរសជន​ទាំងនេះ​រួមមាន ៖
ទី ១. សាខា​សហព័ន្ធ​ខ្មែរ​កម្ពុជា​ក្រោម ប្រចាំ​ទីក្រុង Stockton រដ្ឋ California សហរដ្ឋអាមេរិក ៥០០ ដូ​ល្លារ​
​ទី ២. ព្រះតេជព្រះគុណ សឺ​ង យ៉ឹ​ង រតនា ព្រះចៅអធិការ​វត្ត​ខេមររ​ង្សី នាទី​ក្រុង San Jose រដ្ឋ California និង​ជា ប្រធាន​ នាយកដ្ឋាន​ព័ត៌មាន នៃ​សហព័ន្ធ​ខ្មែរ​កម្ពុជា​ក្រោម ចំនួន ១០០ ដូ​ល្លារ​
​ទី ៣. ភិក្ខុ ថាច់ ប្រីជា គឿន (​សុធម្ម​ប្ប​ញ្ញោ​) ព្រះសង្ឃ វត្ត​ខេមររ​ង្សី នាទី​ក្រុង San Jose រដ្ឋ California ចំនួន ១០០ ដូ​ល្លារ ។​
ទី ៤. សមាគមខ្មែរកម្ពុជាក្រោម ទីក្រុង Long Beach ដឹកនាំដោយ លោក ដាញ់ ឃុត ចំនួន ១៣៥០ $
ទី ៥. លោក ជា សាវឿន ខាងសមាគមក្បាច់គុនបុរណខ្មែរ ចំនួន ៦០ ដុល្លារ តាមរយៈ លោក ដាញ់ ឃុត ។
ទី ៦. អ្នកស្រី គឹម ឡៃ នៅ St Petersburg រដ្ឋ Florida ចំនួន ១០០ ដុល្លារ ។
ទី ៧. សមាជិក និងអ្នកគាំទ្រសហហព័ន្ធខ្មែរកម្ពុជាក្រោម ប្រចាំរដ្ឋ Colorado សហរដ្ឋអាមេរិក តាមរយៈ លោក សឺង សារុម ប្រធានតំបន់ និង លោក ថាច់ លីន  ចំនួន ១២៥០ ដូល្លារ
​សូម​ប្រគេន និង​ជូនពរ​ដល់​ព្រះសង្ឃ​គ្រប់​ព្រះអង្គ និង​ថ្នាក់ដឹកនាំ​សាខា​សហព័ន្ធ​ខ្មែរ​កម្ពុជា​ក្រោម​ឲ្យ​បាន​ជួបតែ សេចក្ដីសុខ​គ្រប់ប្រការ ដែល​បាន​ជួយឧបត្ថម្ភ​ប្រាក់​សម្រាប់​ទ្រទ្រង់​ដល់​សកម្មភាព​របស់​យុវជន​សហព័ន្ធ​ខ្មែរ​កម្ពុជា ក្រោម នៅក្នុង​អង្គការសហប្រជាជាតិ ដើម្បី​ស្វែងរក​សិទ្ធិសេរីភាព និង​សិទ្ធិមនុស្ស​ជូន​ខ្មែរក្រោម ជា​ជនជាតិដើម នៃ​ដែនដី​កម្ពុជា​ក្រោម របស់​យើង ។​
​ដោយ​សេចក្ដី​គោរព​រាប់អាន​ពី​ខ្ញុំព្រះករុណា នាង​ខ្ញុំ​
កៀង សុធី​
ប្រធាន គណៈកម្មាធិការ​យុវជន​នៃ​សហព័ន្ធ​ខ្មែរ​កម្ពុជា​ក្រោម (KKFYC)
​សូមបញ្ជាក់ថា សម្រាប់​លោកអ្នក​ដែលមាន​បំណង​ចង់​ជួយឧបត្ថម្ភ​ដល់​យុវជន​សហព័ន្ធ​ខ្មែរ​កម្ពុជា​ក្រោម សូមមេត្តា ទាក់ទង​គណៈកម្មាធិកា​រ​យុវជន​សហព័ន្ធ​ខ្មែរ​កម្ពុជា​ក្រោម តាមរយៈ​ទូរស័ព្ទ​លេខ 407 276 0084 ។
​សូម​អរគុណ និង​អរ​ព្រះ​គុណ​